ကုမ္ပဏီအကျဥ်းချုပ်

ကုမ္ပဏီ၏ မူဝါဒ

ဖောက်သည်များအားလုံးအတွက် လုပ်ငန်းနှင့်လိုက်ဖက်ညီသောကိရိယာများ ရွေးချယ်အကြံ ပေးခြင်းနှင့် နည်းပညာဆိုင်ရာဝန်ဆောင်မှု့များပေးရန်မှာ ကျွန်ုပ်တို့၏အခိုင်မာဆုံးသော သံဓိဋ္ဌာန် ဖြစ်ပါသည်။ မိမိတို့ တန်ဖိုးထားရတဲ့ဖောက်သည်များနဲ့ ရေရှည်ဆက်ဆံရေးကောင်းတွေတည်ဆောင်ပြီး မြဲမြံအောင် ထိန်းသိမ်းဖို့ သူတို့ လိုအပ်ချက်တွေကို အလေးအနက်ထားနားထောင်ပြီး မှန်ကန်တဲ့ကူညီ ပံ့ပိုးမှုတွေ ပေးခြင်းသည် ကျွန်ုပ်တို့၏ အရေးကြီးဆုံးမူဝါဒဖြစ်ပါသည်။ အံဝင်ခွင်ကျဖြစ်သော ကွက်တိဝန်ဆောင်မှု့ စနစ်သည် ဖောက်သည်များ၏ အချိန်၊ ငွေနှင့် လူ့စွမ်းအားအရင်းအမြစ်များကို လေလွင့်ဆုံးရှုံးမှု့မဖြစ်စေရန် ကာကွယ်နိုင်မည်ဟု ယုံကြည်ပါသည်။ အဆိုပါ လမ်းကြောင်းမှန်ကို အမြဲဦးတည်ထားခြင်းဖြင့် ဖောက်သည်များ၏ိလုပ်ငန်းများကို ယခင်ကထက် ပိုမိုကောင်းမွန်အောင်၊ တိုးတက်ကြီးပွားအောင် လုပ်ဆောင်နိုင်မည်ဖြစ်ပါသည်။

အကောင်အထည်ဖော်မှု့

ဖောက်သည်များ၏စိတ်ကူးနှင့်တထပ်တည်းကျသော အရောင်းနှင့် ရောင်းချပြီး ဝန်ဆောင်မှု့ ဌာနများသည် မိမိတို့၏ဖောက်သည်များအား ရိုးသားပြီးလောဘကင်းသော ဝန်ဆောင်မှု့ ပေးနိုင်ရန်အတွက် အလွန်အရေးကြီးသည့် အခန်းကဏ္ဍမှ ပါဝင်ပါသည်။ အဆိုပါဌာနများသည် ကုမ္ပဏီ၏ မျှော်မှန်းချက်၊ ဦးတည်ချက်နှင့် ယုံကြည်ချက်များကို နားလည်သဘောပေါက်ရန် အရေးကြီးသည့်အတွက်စဥ်ဆက်မပြတ် ညွှန်ကြားလေ့ကျင့်ပေးလျှက်ရှိပါသည်။ ယင်းမူဝါဒအောက်တွင် အရောင်းနှင့် ရောင်းချပြီး ဝန်ဆောင်မှု့ ဌာနများသည် နီးကပ်စွာ ပူးပေါင်းဆောင်ရွက်ခြင်းဖြင့် ဖောက်သည်များအတွက် ၄င်းတို့၏လုပ်ငန်းနှင့် အံဝင်ခွင်ကျဖြစ်သော ကိရိယာများကို ရေရှည်အကျိုးရှိစွာသုံးစွဲနိုင်မည် ဖြစ်ပါသည်။ ကုမ္ပဏီ၏ ဝန်ထမ်းများသည် အကွက်မြင်တတ်မှု့၊ ဥာဏ်ရည်ဥာဏ်သွေး၊ ကိုယ်ချင်းစာမှု့၊ နည်းပညာကျွမ်းကျင်မှု့နှင့် ပေါင်းသင်းဆက်ဆံရေးစသည့် အရည်အချင်းများနှင့် ပြည့်စုံနေရမည်ဖြစ်ပါသည်။

ယုံကြည်ချက်

လူ့စွမ်းအားနှင့် ကိရိယာအရည်အသွေးကိန်းဂဏန်းနှစ်ခုသည် X,Y ဂရပ်၏အပေါ်ဆုံးအကွက် များတွင်ကျရောက်ပါက အကောင်းဆုံးရလာဒ်ထွက်မည်ဖြစ်ပါသည်။ ပျင်းရိသောသောမြေတိုင်း ပညာရှင်များသည် အရည်အသွေးမြင့်မားသော မြေတိုင်းကိရိယာကို အပြည့်အဝအသုံးမချတတ်သကဲ့သို့ အတော်ဆုံးမြေတိုင်းပညာရှင်များသည်လည်း ညံ့ဖျင်းသော ကိရိယာထံမှ ဘာမှထူး၍ရမည်မဟုတ်ပါ။ ကျွန်ုပ်တို့ကုမ္ပဏီသည် အရည်အသွေးနှင့်နည်းပညာြမင့်မားသော မြေတိုင်းကိရိယာများကို ကမ္ဘာ့ ထိပ်တန်းကုမ္ပဏီမှ တင်သွင်း၍နောက်ဆက်တွဲဖြစ်သောရောင်းချပြီး ဝန်ဆောင်မှု့စနစ်ကို အရည်အချင်း ပြည့်၀သော မြေတိုင်းပညာရှင်များအား ထိရောက်စွာပံ့ပိုးနိုင်ရန်အမြဲကြိုးစားလျှက်ရှိပါသည်။ သို့မှသာ ဖောက်သည်များ၏ လက်ရှိလုပ်ငန်းများ ပိုမိုတိုးတက်အောင်မြင်လာမည်ဖြစ်ပါသည်။

လုပ်ငန်းစင်္ကြန်

ကုမ္ပဏီသည် တိုင်းတာမှု့၊ စမ်းသပ်မှု့၊ စူးစမ်းမှု့များကို တန်ဖိုးထားချစ်မြတ်နိုးသည့်အလျောက် လုပ်ငန်းစင်္ကြန်ကိုတိုင်းတာမှု့နှင့် စမ်းသပ်လေ့လာမှု့ဆိုင်ရာ ပစ္စည်းများပေါ်တွင် ခိုင်မာစွာရပ်တည် ထားပါသည်။ စူးစမ်းလေ့လာမှု့မရှိပါက မိမိတို့ရောက်သည့်နေရာကို မသိနိုင်ပါ။ သို့အတွက်ကြောင့် မိမိတို့ရည်မှန်းချက်နေရာကို မရောက်ရှိနိုင်တော့ပဲဖြစ်မည်ဖြစ်ပါသည်။ Coordinates Co.,Ltd သည် အောက်တွင်ဖော်ပြထားသော တိုင်းတာရေးနှင့် စမ်းသပ်လေ့လာရေးကိရိယာများကို ဖောက်သည်များ အတွက်အရည်အသွေးမြင့်မားသော အရောင်းနှင့် ရောင်းချပြီး ဝန်ဆောင်မှု့စနစ်နှင့်ပေါင်းစပ်၍ တက်ကြွစွာ ဝန်ဆောင်မှု့ပေးလျှက်ရှိပါသည်။

• မြေတိုင်းတာရေး၊ ရေကြောင်းတိုင်းတာရေးပစ္စည်းကိရိယာများ
• မြေသားနှင့် ကွန်ကရစ်စမ်းသပ်စစ်ဆေးရေးပစ္စည်းကိရိယာများ
• ဘူမိဗေဒနှင့် သတ္တုတူးဖော်မှု့လေ့လာတိုင်းတာရေးပစ္စည်းကိရိယာများ

Coordinates ကုမ္ပဏီသည် ဆွစ်ဇာလန်နိုင်ငံရှိ ကမ္ဘာ့အကောင်းဆုံးနှင့်ထိပ်တန်းမြေတိုင်းပစ္စည်းများ ထုတ်လုပ်သော Leica Geosystems ၏ မြန်မာပြည်ဆိုင်ရာ တစ်ဦးတည်းကိုယ်စားလှယ် ဖြစ်ပါသည်။ Leica Geosystems သည် (၁၈၁၉)ခုနှစ်မှစ၍ မြေတိုင်းတာရေးပစ္စည်း ကိရိယာများကို Kern, Wild စသည့် အမည်များဖြင့် တီထွင်ဖန်တီး ထုတ်လုပ် နေသော သမိုင်းအစဥ်အလာ ကြီးမားသည့် ကုမ္ပဏီတစ်ခု ဖြစ်ပါသည်။ အလားတူပင် ကျွန်တော်တို့ကုမ္ပဏီသည် တူရကီနိုင်ငံ Alfa Test အမှတ်တံဆိပ် မြေသားနှင့် ကွန်ကရစ်စမ်းသပ်စစ်ဆေးရေး ပစ္စည်းများ၊ တရုတ်ပြည်သူ့သမ္မတနိုင်ငံ DJI အမှတ်တံဆိပ် Survey Grade Drone များကို တင်သွင်း၍ဈေးကွက်တွင် တက်ကြွစွာဝန်ဆောင်မှု့ပေးလျှက်ရှိပါသည်။ အောက်ဖော်ပြပါ ကဏ္ဍများတွင် ၂၀၁၆ခုနှစ်မှစတင်၍ Coordintates Co.,Ltd ၏ဝန်ဆောင်မှု့နှင့် လမ်းကြောင်းကိုယုံကြည်၍ အစဥ်တစိုက်အားပေးလာသော ဖောက်သည်ကောင်းများစွာရှိပါသည်။

• ဆောက်လုပ်ရေးနှင့် မြေတိုင်း မြေပုံထုတ်ကဏ္ဍ
• ပညာရေးနှင့် သုတေသနကဏ္ဍ
• သယ်ယူပို့ဆောင်ရေးနှင့် ဆက်သွယ်ရေးကဏ္ဍ
• ပတ်ဝန်းကျင်ထိန်းသိမ်းရေးနှင့် သယံဇာတစီမံခန့်ခွဲရေးကဏ္ဍ